Читать книгу Vleiswond - Johann de Lange - Страница 8

Sondagaand, die promenade:

in kortbroeke en T-hemde

daag ons op: die gemeente

van die vlees

en Walt Whitman

was met ons,

hoogpriester,

met sy lang wit baard

en sy hande op ons almal

’n benediksie op sweetblink lywe,

op ons tonge die kosbare wit

sakrament van die fallus.

Ons ken hom ook daar

alleen in ’n bieghokkie

waar ons kniel

voor dié klein gode

wat deur ’n loergat seën

en wywaters van die doop

op ons tonge laat reën.