Читать книгу Abgefahren! Im Zug mit Katja Walder - Katja Walder - Страница 29
ОглавлениеDas Leben der Anderen
«Verzell!» Die Rothaarige kann es kaum erwarten. Ihre schwarzhaarige Freundin schnattert los: «Das! Glaubsch! Nöd! D’Anna isch mit em Gerrit zäme!» Sie schaut erwartungsvoll. «Waas?», staunt die. «Ich verreck! Ich mein, sie isch mega herzig, er isch huere hässlich!» «Ja scho, ich weiss», sagt die Schwarze. «Ich bin nöd sicher, öbs stimmt. D’Katja hätts verzellt.»
«D’Katja? Isch eh e Häx!» «Sägs nöd», sagt die Schwarze. «Wie die sich immer an Jonas anemacht! Ich chönnt ere amix is Gsicht schlah.»
«Voll he!»
«Aber weisch wer findi no viel schlimmer? Em Jonas sini Mueter!»
«Wäääh!», kreischt die Rote. «Die xeht uus wie en Maa, nöd?!»
«Ja, voll de Hass!»
«Käs Wunder, das dere de Maa devo gloffe isch.»
«Ja scho, aber das er es Verhältnis mit sinere Assistäntin agfange hätt, findi glich nöd fair.» Die Rote schaut verträumt: «Also ich würd defür sofort es Verhältnis mit em Yannick afange, de isch soo sweet!» Ihre Freundin winkt ab: «Vergiss es, de staht e nur uf blondi Modeltype».
Ich sitze da, höre zu und frage mich, warum mein Leben langweilig ist. In Wallisellen steht die Schwarze auf. «Gäll, hütt chasch wieder sälber luege? Sat1, am sibni. Susch verzell der dänn halt morn.»
