Читать книгу АСАРЛАР ТЎПЛАМИ (3-жилд) - - Страница 118

Мен саройнинг шоириман,

Тоғу сойнинг шоириман.

Шу юртдаги ҳар бир шоҳу

Ҳар гадойнинг шоириман.

Оллоҳ дилимга солмиш сўз,

Сўз ёнида – минг бир юлдуз.

Сўндиргум деб уринманг сиз,

Мен Худойнинг шоириман.

Буғдойимни фалак эккан,

Хокисор эл заҳмат чеккан.

Фақир деманг, Кўнгил деган

Катта бойнинг шоириман.

Хазон тўлиб оқар ариқ,

Соғинчларим яшил, сариқ.

Онамнинг ранглари янглиғ

Сариқ чойнинг шоириман.

Олам бори юкин ортган,

Оҳи осмонларни йиртган,

Заҳириддин Бобур тортган

Камон-ёйнинг шоириман.

Ҳазрат Навоийлар меъмор

Боғ-саройнинг шоириман.

Темур боболардан ёдгор

Оқсаройнинг шоириман.