Читать книгу АСАРЛАР ТЎПЛАМИ (3-жилд) - - Страница 131

Балки бўлмас молу қўй тўла қўра,

Эҳтимол фақирсан ва ёким тўра.

Оламда энг улуғ таомдир сабр,

Бир кун ҳалво бўлиб етилгай ғўра.

Инсоннинг кўркидир илму маърифат,

Билимсиз одамзод – шумғия, шўра.

Билим саодатдир, билим – зўр қудрат

(Амир Темур бобо фикрига кўра).

Бир умр ёруғлик таратмоқ учун

Дилни Адабиёт нури-ла ўра.

Фурсат ўтар-кетар, дамлар ғанимат,

Андак фикр қилиб, ўйлагил, жўра.

Яна кўп гапларни билмоқ истасанг,

Ҳомиджон Ҳомидий домладан сўра.