Читать книгу АСАРЛАР (I жилд) - - Страница 14

Олис кечинмалар қаърида

Йўллар ҳайқириғи янгради бирдан.

Йўллар ҳайқириғи бағрида

Мендан узоқлашиб борар бир одам.

Хира кўлкасида мужассам қайғу.

Кетиб боради у руҳсиз, толиқиб.

У – севгидир, мендан норизо туйғу.

У – ёшликдир, кетар менга тош отиб.

Олис кечинмалар қаърида

У мен англолмаган шуурдир.

Йўллар ҳайқириғи бағрида

У – мен яшолмаган умрдир.