Читать книгу АСАРЛАР (I жилд) - - Страница 5

Ўтган йиллар ҳидин соғиниб,

Манзилларда бўлиб ўткинчи.

Оғушингга келдим толиқиб

Мен йўлларда адашган йўлчи.

Чақинлардай ўтган болалик

Энди бунда кўтармас сурон.

Мен бир пайтлар тебранган бешик

Сукунатда олмоқда ором.

Энди бунда янграмас алла –

Танглайимни кўтарган қўшиқ.

У дамларни қўмсадим яна

Деворингга ҳорғин бош қўйиб.

Болалик ҳам кетмиш раҳм қилмай,

Йиллар сени хароб этибди.

Сени, боланг ташлаб кетгандай,

Болалигинг ташлаб кетибди.