Читать книгу АСАРЛАР (I жилд) - - Страница 22

Бир кун мени уйғотадилар:

Дўстлар эмас, севгилим эмас,

Ё соатнинг чинқириғимас –

Акам каби азиз дарахтлар

Бир кун мени уйғотадилар!

Мени бир кун уйғотадилар.

Тарақлаб очилар бехос эшигим,

Бостириб киради сўнгра хонамга

Олислардан келган уч-тўртта дарахт.

Олислардан келган уч-тўртта дарахт –

Сўнгги дарахтлари болалигимнинг.

Мени уйғотади бир кун дарахтлар,

Тургин, дейишади, видолашайлик,

Бизни ҳам кесишяпти…