Читать книгу АСАРЛАР (I жилд) - - Страница 19

Сен масъуд дунёнинг борини

Ўйладинг. Яшадинг. Ўткардинг.

Бердинг қорачиқлар умрини,

Тунларни киприкда кўтардинг.

Фарзандлар кетдилар ҳар тараф,

Сокин қолди уйинг – англадинг.

Соғиндинг, соғинч-ла йўл қараб

Бир вужуд соғинчга айландинг.

Ҳаёт остонасин босмагай хазон,

Тириклик гоҳ тупроқ,

Гоҳ осмонийдир.

Саломлар абаддир, онажон,

Видолар фонийдир, фонийдир.