Читать книгу АСАРЛАР (I жилд) - - Страница 57

Ечиб қўйган этикларингга

Илашиб келган лой йўлни,

Қолгин.

Қиш туни бу, айтиб бўлмайди,

Бу кеча қол, меҳмоним бўлгин.

Иссиқ-иссиқ чойлардан қуяй,

Босиб-босиб ичгин, исийсан.

Гар ғамзада бўлсанг май тутай,

Ғамларингни чиқар эсингдан.

Гар мунажжим бўлсанг, сеҳрли

Юлдузлардан сўйлаб бер менга.

Қўшиғинг бор дилингда балки,

Хиргойи қил майли жимгина.

…Эслашамиз сўнгра бирма-бир

Дамлар, дардлар, аламларни ҳам.

Қоронғу ва олис уйларда

Ухлаётган одамларни ҳам.