Читать книгу АСАРЛАР (I жилд) - - Страница 62

Сутдай оқ саҳронинг қоқ ўртасида

Бир гавда қўзғалар тўсатдан.

Юрагида – қасос.

Қўлида – қилич,

Кўзлари асрлар зулматин тилиб

Қарайди. Қарайди. Қўрқаман.

Сен кимсан? Сен кимсан? Сен кимсан?

Марҳум Бақтриянинг сўнган ғурури?

Бутпараст, зардушт ё мусулмонмисан,

Ё юнон аёлин жувонмарг ўғли?

Мен сенинг исмингни билмайман.

Ортимда боғларим ҳадиксирайди.

Ў, ботир!

Сен кимсан –

Кўзларинг,

Қасоскор кўзларинг нега бунчалар

Қонсираб қарайди, қарайди?..