Читать книгу Sürgün - - Страница 55

Mənim dilim quş dili,

gül dili, çiçək dili,

ah, necə ətirlidir,

agzında ləçək dili,

bir bostanın qırmızı,

dadlı çiyələk dili,

var dilimin arıtək,

bal dili, pətək dili,

yerin üstündə təndir,

təndirdə çörək dili,

axar su mənim dilim,

şeh dili, çisək dili,

bulud dilidir bu dil,

ildırım, şimşək dili,

bu, məhəbbət dilidir,

qəlb dili, ürək dili,

gəlin sevək bu yurdu,

sevib öyrənək dili.