Читать книгу Соргу көтөҕүүтэ - - Страница 11

Күндэлэс Өлүөнэ үөһүттэн

Күн киирбэт дойдутун булбуттар.

Эһэбит Эллэйбит кэмиттэн

Эйигин сахалар талбыттар.

Ол онтон ылата ылламмыт

Эргиспит кытыла-биэрэгэ.

Үрүҥ түүн кытары саас аайы

Эргиллэр эйигин көрсөөрү.

Уол оҕо, кыыс оҕо күлүүтэ

Уулуссаҥ, болуоссат аайытын.

Күн оһуор оһуохай үҥкүүтэ

Киэргэтэр эдэр саас куоратын.

Бу Эргис, бу Хоруол тумсугар

Букатын эриэккэс олорор.

Тулалыы эргиччи уотугар

Түүн-күнүс сүрэҕиҥ дьулуһар.

Бульварыҥ, фонтаныҥ сиккиэрэн

Сарыалы сууланан тупсаҕын.

Күндэлэс куоратым киэһэрэн

Күлүккүн көрүнэ тураҕын.