Читать книгу Соргу көтөҕүүтэ - - Страница 24

Халыҥ хаары хаһаннар,

Хаамар Сиһин туорааннар,

Хаҥыл аттаах, дуоҕалаах

Хаҥаластар иһэллэр.

Халлаан диэки хайыһыҥ —

Хотойдоро чаҥырҕыыр.

Үүт өрүһү батыһыҥ —

Эрдиилэрэ кылбардыыр.

Суорба туруук хайаҕа

Суруктарын ойуулаан,

Истиэп итии тыынынан

Хочолору толортоон

Тэгил күнтэн тэһииннээх,

Тойон хаантан төрүттээх,

Байҕал тула, тэрээһиннээх

Тарханааттар кэллилэр.