Читать книгу Соргу көтөҕүүтэ - - Страница 7

Испитин өллөөбүт, дьиэлээбит,

Ичигэстик таҥыннарбыт,

Интэринээт барахсаны

Истиҥник ахтабыт аны.

Сэрии, сут оҕолоро

Эн тотоойу хааһыгынан

Тыыннаах хаалбыт сылларбытын

Умнубакка кырыйдыбыт.

Улахан дьоннуун тэбис-тэҥҥэ

Үлэҕэ мүккүллэммит,

Уһун сайын сынньаммакка

Улааппыппыт «көлүллэммит».

Этэрбэс, үтүлүк тэстэн,

Угунньабыт быган тахсан,

Күннэтэ отууттан тиэстэн

Көлөһүн күнүн аахсарбыт.

Уора-көстө ол быыһыгар

Уончалаах бэдик уолаттар

Оскуолабыт аһылларын

Олуһун даҕаны кэтэһэрбит.

Испитин өллөөбүт, дьиэлээбит,

Ичигэстик таҥыннарбыт,

Ийэбит кэриэтэ иитэлээбит

Интэринээти ахтабыт.