Читать книгу Соргу көтөҕүүтэ - - Страница 17

Үөһэнэн көтөн иһэбин,

Эн суолгун батыһаммын.

Эт, тоҕо куттанаҕын,

Эргиллэн сэрэтэҕин.

Күннээх сирбит оһуора —

Өлүөнэ көстөрө кэрэтин.

Өбүгэбит сирэ-уота

Мантан ордук чугаһын.

Куттаныма, төннүөҕүм

Көмүс ньээкэ уйабар.

Бэйэҥ биэрбит кынаттарыҥ

Үрдүккэ умайдыннар.

Күнү тула эргийэ

Суохтуу, батыһа, сайыһа,

Кынаттарым умайа

Эйигинниин көтүстүннэр.