Читать книгу Соргу көтөҕүүтэ - - Страница 19

Бу тыл мэҥэ дорҕоонноро

Миигин ханна тиэрдэрий?

Хаалбат-сүппэт хааннара

Сүрэхпин тоҕо хамсатарый?

Баҕар ханнык боотурум

Аатын-суолун аһыйарый?

Умнуллубут урдустарым

Кэриэстэрин санатарый?

Харахпар көстөн кэлэр

Улуу байҕал балкыыра.

Инники күөҥҥэ сиэллэрэр

Улуу истиэп боотура.

Уурааҕынан хаһыытаһыы

Халыҥ аймах сэлэтэ.

Көҥүл, түмсүү, холбоһуу

Дархан ууһун кэккэтэ.

Ол хаІыллар үөһэттэн

Илин өрүскэ түспүттэр.

Эркээнини, Туймааданы

Эликтэрэ толорбуттар.