Читать книгу Sombra roja - Rodrigo Castillo - Страница 19

Runi bangurizá ra gurí jñaa biida’

ne cuananaxhi bitoo xhamiga’ Cándida,

runi guirá’ yoo dexa

ne gudxa basoo xiiña’ guya’ ne ca’.

Runi lindaa naté gúca’ xluuna’

ne luba’ guiichi bigaa cue’ lidxe’.

Runi ca xigagueta bitopalú jñaa

ndaani’ ca guendaxhela’ ra gadxé tu cachagana’.

Runi ca dxi bisiguchi gubidxa guicha íque’

ne ora guxidxe’ ruchundua’ lú biquiixhu nexhe’ lu sidi yaachi.

Runi ca bandabiaani’ gui’di’ cue’ yoo

ne ora biladica’ biraca’ gueela’ lu mexa’ bidó’.

Runi daa bizee nisaxquixhi’,

runi ca yaga ca bieque ndaani’ nisa nacabixigi’.

Runi guirá ni bizaya’ ti ganda guibane :

riuunda’ ndaaya’