Читать книгу Capbreu de la Confraria d'Òrfenes a Maridar de València (segles XIV-XVII) - AA.VV - Страница 16

Quoniam antiqui hostis calliditas fraudulenta diversis peccatorum nexibus nostras sine cessacione conatur animas irretire nessece est nos diversis virtutum deffensionibus et caritatis operibus premuniri ad ipsius maliciam superandam et sanctorum meritis inclita gaudia christifideles assequi minime dubitemus, qui illorum patrocinia percondigne devocionis obsequia promerentur.

Idcirco, in Dei nomine et eius divina gracia, pateat universis,²⁶⁰ quod ego Ferdinandus Garsie, mercator, civis Valencie, considerans quod de bonis temporalibus ea solum modo retinentur que pro Christi nomine fideliter largiuntur ac cupiens extremum diem iudicii sic misericordie operibus prevenire quod securus videam eum tunc iudicem venientem unicuique secundum eius opera redditurum prout in corpore gesserit sive bonum fuerit sive malum. Ad honorem, laudem et gloriam Domini nostri Iesu Christi et eius matris Virginis gloriose et tocius curie supernorum ac pro divini cultus augmento in ecclesia Sancti Martini civitatis Valencie et pro salute animarum mei parentum et benefactorum meorum et omnium fidelium defuctorum, de voluntate et assensçu expressis honorabilis domini vicarii generalis Valencie inferius scripti et in eius presencia constitutus, instituo et ordino quoddam perpetuum beneficium in predicta ecclesia Santi Martini, sub invocacione beate Marie et beatorum Sanctorum Joachini et Sancte Anne perpetuo deinde celebrandum quod habeam, et promitto de bonis michi a Deo collatis dotare de viginti libris²⁶¹ monete regalium Valencie censualibus, perpetualibus et annualibus absque laudimio et fatica tamen cum toto alio pleno iure emphiteotico, et percipiendi ipsas secundum forum Valencie prout michi fuerit benevisum emendis per me ac benefficio supradicto et eius benefficiatto qui nunc et pro tempore fuerit cum licencia regia meis propriis sumptibus et expensis habenda perpetuo consignandis in locis ydoneis et securis.

[1] Deinde instituo et ordino duo anniversaria in eadem ecclesia quodlibet de quindecim solidis dicte monete deinceps perpetuis temporibus celebranda unum videlicet prima die iulii alterum vicesima prima die mensis octobris, quibus diebus pater et mater mei dicti Ferdinandi Garsie ab hoc seculo ad Dominum transmigrarunt, et sic deinde in diebus similibus annuatim pro quibusquidem anniversariis habeam et promitto emere et eisdem cum licencia regia consignare tri-||^15vginta solidos²⁶² predicte monete censuales, annuales et perpetuales absque laudimio et fatica in nuda tantum percepcione secundum forum Valencie in locis ydoneis et securis.

[2] Item, instituo et ordino in capella dictorum sanctorum unam lampadem quam continuo ardere volo die et nocte ob reverenciam predictorum sanctorum et duos cereos albos ponderis uterque quinque libras qui volo deserviant annuatim in die sanctorum Joachini et sancte Anne et officio vesperorum dictorum sanctorum et misse maiori diei festi dictorum sanctorum et vesperis eiusdem diei semper comburendo. Et deinde volo quod serviant cotidie omnibus aliis missis celebrandis in eadem capella pro elevacione corporis Christi pro iluminacione vero dictorum lampadis et cereo runi (?) promitto et habeam emere et consignare ut supra quinquaginta quinque²⁶³ solidos dicte monete censuales, annuales et perpetuales sine laudimio et fatica videlicet, pro lampade triginta et pro cereis viginti quinque solidos. Ita tamen quod omnes dicti quinquaginta quinque solidi in servicio olei et cereorum alborum predictorum expendantur et administrentur sine fraude per benefficiatum predicti benefficii ad congnicionem patroni dicti benefficii vel cuiusvis alterius persone per ipsum patronum eligende, tali modo quod debitum illi officium et servicium impendatur prout decet et presens institucio exhigit et requirit.

[3] Item, promitto emere et consignare ut supra quindecim solidos²⁶⁴ eiusdem monete pro caritate illorum presbiterorum qui in officio vesperorum festi et misse maioris et vesperorum diei sanctorum predictorum et eorum sollemnitati fuerint pro divino officio faciendo, scilicet decem solidos inter ipsos dividendos et residuos quinque solidos pro collacione administranda per dictum beneficiatum presbiteris interessentibus officio vesperorum et completorii vespere festi predictorum sanctorum.

[4] Item, volo quod dentur et solvantur per patronum dicti benefficii cuidam fratri vel alicui alie condecenti persone petite per patronum vel de eius voluntate per beneficiatum predicti benefficii qui vel que anno quolibet in die festo beatorum sanctorum Joachim et sancte Anne in dicta ecclesia Sancti Martini predicabit quinque solidos²⁶⁵ dicte monete pro eius caritate.

[5] Item, volo quod dentur et solvantur per eundem patronum scolaribus eiusdem ecclesie qui pulsabunt cimbala et iuvabunt dicto benefficiato in dictis festis in servitute capelle predicte in illo scilicet quod necesse fuerit et eos necesse habuerit duos solidos²⁶⁶ prefate monete perpetuales.

[6] Item, volo quod dentur et solvantur ut supra maiordomo anno scilicet ex ||^16r illis decem honorabilibus confratribus laudabilis elemosine Orfanarum civitatis Valencie tempore quo patronatus et regimen predicti benefficii ad ipsos pervenerit, quinque solidos²⁶⁷ quod uno par gallinarum qui pro eis bonitate personaliter existet in dicta capella solemnitati misse maioris et sermonis diei festi sanctorum predictorum.

[7] Item, volo quod dentur et solvantur ut supra sex solidos²⁶⁸ prefixe monete scribe et collectori dicte elemosine videlicet, utrique eorum tres solidos pro eorum labore tamen quod illa die teneantur sociare dictum maiordomum serviendo et administrando in ordinacione festi predicti ad honorem domini nostri Iesu Christi et predictorum sanctorum.

[8] Item, in altari capelle predicte sit invocacione beate Marie de Betlem in ipsius honorem dimitto septem solidos quod quindecim presbiteris missam maiorem et solemne officium celebran et facientibus in die Natalis Domini post auroram intus prefatam capellam, scilicet presbitero qui missam maiorem celebrabit unum solidum et diacono et subdiacono cuilibet sex denarios et aliis presbiteris divinum officium facientibus cuilibet quinque denarios.²⁶⁹

[9] Item, dimitto quolibet anno vicario ecclesie Sancti Martini vel alio presbitero honesto continue serviendo dicte ecclesie qui legaliter tenebit compotum de dictis tribus missis dicendis qualibet septimana per dictum beneficiatum intus dictam capellam, quinque solidos²⁷⁰ post obitum tamen filiorum raçione sui laboris pro punctare et tenere compotum. An benefficiatus dicti benefficii celebravit vel celebrari faciet qualibet septimana inter dictam capellam tres missas. Tamen si dictus benefficiatus suam porcionem predictarum viginti librarum predicti benefficii habere et recipere voluerit habeat defferre secum dictum presentatorem coram dicto patrono, qui eius bona fide dicet veritatem eidem patrono de les faltes et quod missas celebraverit in qualibet septimana, tali modo quod in fine cuiuslibet anni facta per ipsum vicarium vel presbiterum seu presentatorem predictis fidedigna relacione patrono dicti benefficii, quod dictus patronus possit facere retencionem de duodecim denariis pro qualibet missa defficiente ex predictis vigintis libris et quod illas missas defficientes idem patronus possit facere celebrare per illum presbiterum quem sibi placuerit intus eandem capellam et sub hoc pacto et condicione detur dictum benefficium cuicumque presbitero et non aliter et quod renunciet omni recursui ecclesiastico.

[10] Item, dimitto viginti solidos²⁷¹ distribuendos anno quolibet per manus collectoris laudabilis elemosine ||^16v Orfanarum perventum eis ius patronatum dicti benefficii ad honorem Dei et pro animabus fidelium defunctorum in die Omnium sanctorum, scilicet in vesperis deffunctorum et in die post solemnitatem particionis seu dimissionis panis, scilicet in pane, elemosine et offertis septem solidos et in cera conbuxendo et offerendo sex solidos et quinque solidos in denariis elemosinarum et absolucionum generalium et particularium. Residuos vero duos solidos dimitto dicto collectori pro labore per ipsum sustento in dicta capella in predictis duobus diebus pro Dei honore et servicio deffunctorum.

[11] Item, dimitto triginta solidos²⁷² anno quolibet perventa administracione pretensi benefficii honorabilibus confratribus confratrie laudabilis elemosine supradicte, convertendos in eorum bonis communibus et elemosinis administratos in pannis pro induendo nunias et aliis caritatibus factis seu fiendis per dictos honorabiles confratres dicte elemosine Orfanarum.

[12] Item, dimitto viginti solidos²⁷³ dicte monete qui anno quolibet conserventur per maiordomum seu honorabiles confratres dicte elemosine Orfanarum ad opus et servitutem reformandi et emendi quando necesse fuerit vestimenta et alia diversa ornamenta predicte et eius altari necessaria hoc tamen retento expresse, qui in predictis omnibus nec inferius descriptis non intendo nech est intencio nec voluntas mea obligare in aliquo neminem filiorum meorum casu tamen quo ipsi filii mei fiant presbiteri et sint benefficiati eiusdem benefficii, immo predicta omnia sint et remaneant eorum bone consciencie et devocionii et habeat liberum et francum arbitrium dicendi et celebrandi et vel celebrari facere unam et tot missas sicut eis benevissum fuerit et quod benefficiatus predicti benefficii habeat recipere dictas viginti libras per manus patroni seu patronorum eiusdem benefficii. Attenta tamen qualitate, servitute ac bonitate et devocione quam eius benefficiatus demostrabit in celebracione predictarum trium missarum et servicio predicte capelle et omnes predicte quantitates, promitto emere et consignare ut supra cum licencia regia meis propriis sumptibus et expensis habenda cum condicionibus tamen superius designatis, ius patronatus vero predictis benefficii retineo michi integrum et illesum in tota vita mea.

[13] Et post mei obitum volo quod sit patrona domina Ursola, uxor mea, et ipsa decendente volo quod sit patronus Andreas Garcie, filius dictorum coniugum, et post obitum dicti Andree Garsie volo quod sit patrona Clara, domicella, filia dictorum coniugum.

[14] Et ||^17r hiis omnibus decendentibus volo quod sit patronus honorabilis maiordomus laudabilis confratrie elemosine Orfanorum civitatis Valencie comittendo ei administracionem et patronagium predictis.²⁷⁴ Ita tamen quod casu quo dictum benefficium vaccare contigerit habeat presentare in benefficiatum eiusdem benefficii presbiterum missam celebrantem.

[15] Volo eciam quod de illo fiat eleccio per maiordomum decem honorabilium confratrum dicte confratrie per illum quem secundum eorum antiquam et bonam ordinacionem est una anuta maiordomus et administrator ipsius elemosine dans et concedens eidem vel cuicumque alteri existenti confratri et maiordomo elemosine supradicte infra annum infra quem predictum benefficium vaccare contigerit et electio et presentacio fieri debebit plenariam potestatem faciendi electionem et presentacionem de aliquo presbitero in benefficiatum eiusdem benefficii sicut si ego personalem adessem.

[16] Quiquidem maiordomus habeat facere dictam eleccionem cum consilio trium confratrum elemosine supradicte per ipsummet vel de eius voluntate eligendos de presbitero tamen missam celebranti. Tamen si dictus maiordomus et dictos tres confratres erant in aliqua decepcione seu discordia, quarum racione tempus eleccionis et presentaciones debuisset transire, tali casu volo et mando quod idem honorabilis maiordomus in onore sue anime faciat per ipsummet eleccionem et presentacionem de illo presbitero quem sibi placuerit missam tamen celebranti naturali dicte civitatis et non habente benefficium extramuros Valentini, et quod sit persona ydonea, bone vite et conversacionis honeste et privato talibus officiis et dignitatibus sicut communis et simplex presbiter serviat ecclesie Sancti Martini et celebret qualibet septimana tres missas intra capellam predictam de illis officiis quibus maiorem devocionem habuerit ad Dei gloriam et recomendacionem deffunctorum. Nunc vero ad dictum benefficium obtinendum cum dicta caritate viginti libras deinde percipiende nomino et presento vobis dicto domino vicario generali discretum Jacobum Garsie, clericum, fillium meum. Suplicans vobis dicto domino vicario generali quatinus intitucionem benefficii et aniversariorum ac lampadis et cereorum et aliarum rerum predictarum cum condicionibus et clausulis superius designatis et dictum benefficiatum presentatum dignemini benignitur admittere et ||^17v acceptare sit igitur premissa omnia et singula, facio, promitto et convenio vobis dicto domino vicario generali et in manibus vestris et notarii infrascripto ut publice persone a me legittime stipulanti et recipienti vite et nomine omnium et singulorum quorum interest vel intererit aut intesse poterit quomodolibet in futurum facere et complere ac fieri et compleri facere quod ut superius est expressum, obligando scienter ad hec omnia bona et iura mea mobilia et inmobilia ubique habita et habenda. Et renuncio quo ad hec foro meo et iurisdictioni vestri dicti domini vicarii generalis me subito fidelitate regia semper salva. Renuncio eciam legi si convenerit de iurisdictione omnium iudicium et omni alii iuri obviam venienti.

Et nos Bernardus Bonshoms, clericus, in decretis licenciatus, reverendissimi in Christo patris et domini, domini Hugonis, divina providencia episcopi Valencie, vicarius in spiritualibus et temporalibus generalis prefatus, attendentes premissa que secundum Deum et veram ac rectam conscienciam procedunt de nostri consensu sic gesta fuisse, pro tanto ea omnia acceptamus, laudamus et confirmanus.

Quod est actum Valencie, quarta die octobris anno a Nativitate Domini millesimo quadrigentesimo quarto.

Sig (signe) num mei Ferdinandi Garsie. Sig (signe) num Bernardi Bonshoms, vicarii generalis predictorum, qui hec laudamus, concedimus et firmamus.

Testes inde sunt discreti Johannes Porta et Johannes Ferragut, presbiteri Valencie.

Sig (signe notarial) num Dominici de Molinos, regia auctoritate notarii publici Valencie, qui premissis interfuit eaque per alium scribi fecit, cum rasis et correctis in LXIª et antepenultima linea ubi legitur «quarta» et in eadem linea ubi videtur «mei», et clausit loco, die et anno prefixis.