Читать книгу Capbreu de la Confraria d'Òrfenes a Maridar de València (segles XIV-XVII) - AA.VV - Страница 17

||^18r Noverint universi quod nos Johannes Gómiz, maiordomus laudabilis elemosine Orfanorum, Guillermus Çaera, Petrus Bou, Ludovicus Johan, Michael Andrés, Johannes Alegre et Bernardus de Penaroga, administratores dicte elemosine, iuncti in ecclesia Beate Caterine Valencie, facta convocacione nostri et magnifici confratris nostri Berengarii Martí quilibet convocatus non valuit adesse et in absencia Petri Andree et Jacobi de Fachs, confratrum nostrorum, qui propter eorum a civitate absenciam non potuerint convocari pro infrascriptis peragendis, gratis et de certa sciencia de fide vestri Francisci Vidal, apothecarii, civis Valencie, confissi per nos et dictos confratres absentes facimus, constituhimus et ordinamus procuratorem dicte elemosine vos honorabilem Franciscum Vidal,²⁷⁶ licet absentem tanquam presentem, ad petendum, exhigendum et recipiendum a quibuscumque universitatibus, collegiis et singularibus personis omnes et singulas peccunie quantitates debitas et debendas dicte elemosine pro pensionibus racione censualium et annualium prestacionem. Et de ipsis pensionibus seu quantitatibus omnibus et singulis apocas et aut alias pertinentes cautelas faciendum fieri faciendum, concedendum et firmandum. Et ad recipiendum omnes et singulas quantitates debitas et debendas racione laudimiorum, prediorum emphiteoticalium que sub directo dominio dicte elemosine tenentur et de cetero tenebuntur, retenta potestate iuris fatice et iuris laudandi contractus, quorum occasione fatica pertineat dicte elemosine et ius laudandi et de nuda recepcione dictarum quantitatum laudimiorum valeatis apocas aut alias pertinentes cautelas facere et firmare, ius vero laudandi et fatice nobis et nostri in hoc successoribus remanente et maiordomus pro ipsa elemosina et pro nobis, conferimus eciam vobis potestatem ad omnes et singulos actus iudiciarios <et extraiudiciarios et> iudiciorum preparatorios quos exercere valeatis libellum vel libellos verbo vel scriptis proponendo et recipiendo, excipiendo, replicando, triplicando et aliud tam active quam passive dicendo et proponendo, de calumpnie et veritate dicenda iurando et exadureso prestari calumpnie iuramentum instando. Testes instrumenta et alia probacionum genera producendo et personas et dicta testium corroborando et personis et dictis testium contradicendo et obiciendo et in causis renunciando et concludendo, sentencias interlocutorias et difinitivas audiendo, correcciones petendo, recursos emittendo et correccionem et recursum causas purgando et agravaminibus apellando et correccionum recursuum et apellacionum causas prosequendo. Exsecuciones, emparas, sequestra, tuiciones et alia utilia instando et alia omnia et singula sine quibus predicta comode expediri non possent instando||^18v et faciendo. Et si expedierit aut necesse fuerit quascumque quantitates a curiis vel iudicibus recipiendo, cavendo et satisdando sub pactis, obligacionibus et renunciacionibus necessariis et aliis solitis et aliis vobis benevisis satisdando et fideiussori indempnitatem promittendo procuratorem vel procuratores ac unum vel plura de predictis sustituendo et eum vel eos revocando. Et generaliter conferimus vobis potestatem ad omnia et singula sine quibus predicta expediri non possent. Et promittimus in posse notarii infrascripti ut perssone publice loco, vice et nomine omnia et singulorum quorum intersit stipulantis et recipientis relevantes vos et substituendos a vobis ab omni onere satisdandi iudicio sistere et iudicatum solvere eum omnibus et singulis iudicatum solvi clausulis et nos habere ratum quicquid per vos et a vobis sustituendos in predictis et super ipsis actum fuerit sine gestum et non revocare sub bonorum dicte elemosine obligacione.

Quod est actum Valencie die vicessima prima aprilis anno a Nativitate Domini millesimo quadrigentesimo septuagesimo.

Sig (signes) na nostrum Guillerme Çaera, Petri Bou, Ludovici Johan, Micaelis Andrés, Johannis Alegre et Bernardi de Penaroga, administratorum predictorum qui hec laudamus, concedimus et firmamus.

Sig (signe notarial) num mei Johannes Gómiz, maiordomus predicti, qui hoc dicto nomine laudo, concedo et firmo.

Testes huius rei sunt Franciscus Johan, scriptor, et Petrus Santes, sartor, Valencie commorantes.

Scriptum in presenti supra et in precedenti carta huius medii folii papiri fuit sumptum a nota publici instrumenti acti in posse mei Ambrosii Alegret, auctoritate regia notarii publici Valencie, in quorum fidem me subscribo et meum apono sig (signe notarial) num.