Читать книгу Яңа гасыр тавышы / Голос нового века (на татарском языке) - Антология, Питер Хёг - Страница 98

Шигъри Әсәрләр
Фәнил Гыйләҗев
Азатлыкка атлый татар улы

Оглавление

Кирмән каршысында һәйкәл тора,

Мәгърур башын чөеп югарыга.

Тәнен буган тимер богаулардан

Котылырга теләп, арынырга.


Тәнен буган тимер богаулары

Кадалалар тарих төпкеленә.

Яралардан кан саркымый, саркый

Ялкынлы җыр тулы шигырь генә.


Котылырга теләп зынҗырлардан,

Мәгърур башын чөеп югарыга,

Шәһид киткән күпме татар җаны,

Имин көннәр теләп улларына.


Азатлыкка атлап, күпме башлар

Тәгәрәгән җилкәләрдән аска,

Истә әле, истә фида җаннар,

Чал тарихлар басылганнар ташка.


Чал тарихның ишарәсе булып,

Ташта басып тора Җәлил сыны.

Тар коллыктан азат шәһид рухы,

Азатлыкка атлый татар улы!


Яңа гасыр тавышы / Голос нового века (на татарском языке)

Подняться наверх