Читать книгу Dağlar - Aşıq Alqayıt - Страница 61

Bulunmaz olubdur şəfam, şəfqətim,

Ay ellər, yarama duz bağlamışam.

Canım təngə gəlib üşütmələrdən,

Yayın istisində buz bağlamışam.

Ucalan görürəm neçə əyyaşı,

Həyat dərsi keçir bisavad, naşı.

Kiminsə xətrinə, kiməsə qarşı,

Həyalı üzümə üz bağlamışam.

Mənə sus deyirlər, susuram inan,

Fitnə ayaq alır, yeriyir böhtan.

Alqayıtam, haqdır bizi yaradan,

Sıtqımı mövlaya düz bağlamışam.