Читать книгу Die windvanger - Breyten Breytenbach - Страница 24

hoeveel begrensing is nodig vir betekenis

hoeveel tekens saam versit ’n grens

hoeveel bokkoms pas in ’n boks

van twee by twee

hoeveel woorde gaan grond toe met die kis

hoeveel sin en besinning kan sing-sing

weggelê word in die woordtorinkie

hulle noem dit ’n gedig

sonder dat die môre na vrot vis stink

en is dit van enige denkbare verskil

of klink dit maar net ougat