Читать книгу die na-dood - Breyten Breytenbach - Страница 32
die gedig se onbekende gesig
Оглавлениеgedig is die distillering van gedagte
het ek gedog
en daarmee is dit van die hande af
maar wat soms nog gis in die trog woorde
is waarvoor nie voorsiening gemaak is
wie se naaktheid nie met betekenis
geknip uit poëtiese patrone
kan bedek wat ouer en gedagteloos
besope saam wil dans nie
(o waar is my waarheid
my waarheid my waarheid
o waar is die waarheid
die waarheid van my
o waar is die wees-is
die wees-is die wees-is
o waar is die wees-is
die wees-is van my
o hier is die waar-is
die is-wees die waarkis
o hier is die wees-waar
die isheid van my)
