Читать книгу [vii] - Gilbert Gibson - Страница 5

daar lê vanoggend soos ou kos in

koue kookolie ’n dooie duif

in die swembad

glibberig en onverwags

vasgenes in blare wat te veel

was vir afskep

die duif is deur chloor omhul

soos voetstappe deur ’n klooster

ek en die kind klim in die kar

waai vir ma op die stoep sy

staan so roerloos soos ’n soutpilaar

soos ’n jetplane is ons leaving

margaret ons wonder

are you grieving