Читать книгу Mare Manuscha - Группа авторов - Страница 12

Tu man ni pendjares.

Tu djanes sar me akaraman?

Na gijalte sar tu man akares,

me sem mamuj goja vorba

Tu akares pal bisteres,

motoves bizo gndipa,

bizo hacharipen,

bizo vilo,

Tu akares man Cigan

Tu akares pal dukaves,

Iris mange milja tasvirura,

kale sar e tuf.

Tu akares man Cigan,

phal djanes li so si gova

Tu akares phal mudares,

mnre dija, papus, phenja, phrales

Tu akares, phal ni shunes e rovipa,

Des man godi ano bibahtalipen,

vi iris mange e dar, sar shajipen,

kaj gova shaj phalem ovel

Ma akarman Zigeuner, Gipsy, Gitan, Cigan

Ma akarman gijal sar mange duk anel

Akarman gijal sar me kamav

Sar me akaraman,

Rom, Sinto, Kalo, Manush

Gijal sar e chiriklo so ujral,

gijal sar tu e gili shunes,

gijal sar e sansriba,

sar gova so tut isi,

a me sal ano suno dikav