Читать книгу Die grammatika van liefhê - J.C. Steyn - Страница 8

Woorde is almal s’n,

nie net myne nie;

daar’s geen heimlike opsie nie,

’k was te laat vir mineraleregte.

Maar delwe kan ons tog almal

dwarsdeur ons hele lewe deur;

buitendien en boonop

vir kleims is gehardloop

en vergange vir goud

’n kryg laat ontbrand.

Al wat myne is

is my sinne;

in sinne is alle woorde

mýne

waar ek my in kan verdiep

verborge gange oopgrawe

met geheimsinnige waters deursypel

om myne te verbind

met ander ryk domeine s’nne.