Читать книгу Қазақстан (Қазақ елі) тарихы: 4 кітаптан тұратын оқулық. Қазақстан аумағы б.з.б. мыңжылдықтардан ХІІІ ғасырдың басына дейінгі дәуірлерде. 1-кітап - Коллектив авторов - Страница 13

Сақтар туралы деректер. Сақтардың тарихы нақты деректерде аз қамтылған және жеткілікті зерттелмеген аса күрделі мәселе. Б.з.б. VІІ-ІII ғғ. олардың тарихына қатысты мәліметтер негізінен археологиялық деректерге сүйенеді. Ал б.з.б. ІІІ және б.з. ІІІ ғғ. аралығындағы сақтардың тарихы негізінен үйсіндермен және қаңлылармен, ұлы нүкістермен, нөнелермен нақты байланыста қарастырылады. Соңғы кезеңді зерттеуде Қытай деректерінің аса маңызды екені анық. Қазақ тіліне Қытайдағы бауырларымыз аударған «Жоунаманың» түрік баянынан мынадай жолдарды оқимыз: «Былай деп те айтады: «Түріктердің арғы аталары ғұндардың солтүстігіндегі Сақ (