Читать книгу ТАНЛАНГАН АСАРЛАР - - Страница 119

Замин гул исидан кайфли онларда

Кезмоқ ўзи бахтдир бу чаманларда.

Бу кез ҳар жон ошиқ, барча гулпараст,

Тоза орзуларга баланд осмон паст.

Ахир, бу чаманлар оғуши аро

Риё йўқ, бизлардан нари можаро.

Бу шундай боғларки, бу шундай гуллар,

Бунга элтар фақат дунёвий йўллар.

Бу шундай чаманлар – рангларни тўплаб,

Гулларнинг покиза шаробин ҳўплаб,

Гул қучиб пинакка кетган капалак,

Бунда булбул бўлиб уйғонур бешак.