Читать книгу ТАНЛАНГАН АСАРЛАР - - Страница 129

БУЛБУЛЛАР ВА ОДАМЛАР китоби 1981 йил
БУЛБУЛЛАР ВА ОДАМЛАР

Лоқайдликка қирон солайлик, дея

Ва шеърий баҳсларда куч синаб ҳалол,

Одамлар: биз бормиз, бўлайлик дея

Ёниб куйлайдилар булбуллар мисол.

Куйламасак гулдек сўлайлик, дея

Ва башар зотини қолдиргали лол,

Булбуллар: биз бормиз, бўлайлик, дея

Ёниб куйлайдилар одамлар мисол.