Читать книгу Саха оноҕоһо - - Страница 10

Мин омун, мин нарын доҕорум

Дойдутун киэргэтэр уоҕар

Кэпсээбитэ ким да билбэтин —

Кыһыл ньургуһуну булбутун.

Ханнык да сыһыыга, кырдалга

Истибэтим ол оннук баарын,

Сахам сирин тыйыс айылҕата

Сааскыттан чаҕылын ыспытын.

Кэрэҕэ тардыһар дууһалаах

Мин омун доҕорбун таптыыбын,

Кырдалыгар кыһыл ньургуһуннаах

Дойдуттан кэлбитин билэбин.

Билэбин мин хаһан да тиксибэт

Алааспар айаннаан иһэрин,

Бүгүн дуу, сарсын дуу күлүгэ

Хара тыа кэтэҕэр сүтүөҕүн.

Ол онно күннээх ыллыкка

Дьол кинини кууһуоҕа.

Мин түннүгүм анныгар

Кыһыл ньургуһун тыллыаҕа.