Читать книгу Саха оноҕоһо - - Страница 12

Оо, эн хаһан да сэрэйбэт этиҥ

Мин дууһам мучумаанын,

Санаам түһүүтүн,

Муҥатыйыыбын.

Эн билбэт этиҥ

Мин хайдах

Дьылҕам күрүөтүгэр хаайтаран

Абаккара айманарбын.

Эн суох этиҥ аттыбар

Соҕотохсуйбут күннэрбэр!

Амсайбатаҕыҥ бииргэ

Алдьархайым хара уутун,

Кэриэрбэтэҕиҥ тэҥҥэ

Кэмсиниим кэҥсик уотугар.

Эн билэҕин миигин —

Атыны.

Дьоһун,

Дьоллоох киһини,

Мэлдьи табыллар айаннааҕы,

Мэлдьи үөрэр аналлааҕы…

Ол мин

Эн муҥатыйыыгын үллэстээри,

Эн абаккарыыгын аһараары,

Эн санааҕын аралдьытаары

Ситинник этим.

Эн ону сэрэйбэтиҥ.