Читать книгу Звездный дар. Сборник стихов / Урмала савгъат - - Страница 27

ХIечила гапла гъайли

ГъайрикIни хIебалули,

«ГъайрикIулри урхIлизи», —

ВикIули, хIял буади.

ХIегIирцун кьяйцIрикIули,

ХIеррикIни хIебалули,

«УрхIличи хIеррикIулри», —

ВикIули жан асади.

ХIезиван гъайрикIеси

ВаргхIергира дила шав,

ХIечиван хIеррикIеси

КъаршихIейкиб дурашав.

ХIерхулрив? Дураухъен

Дигайла дузабличи,

ХIердикIехIену чидил

Къардулхъанал дай гьуйчив.

Дигалли ваши карцIай

ШурдалтехIе забличи,

ХIердикIехIе чидиллай

Дулхъехъал варачанти.

Дигалли ваши мардеш

ДугIехIе ризкьи кьяйда,

ХIердикIехIе чидилла

Дусли чуйна духъарал.