Читать книгу Звездный дар. Сборник стихов / Урмала савгъат - - Страница 31

Эй, гьункья, хIядурлирив

Гьарахъси архIяличи,

АрхIя гьарбилзан, – каса

Расулла назму хIечил.

Гьундурачив милигли

ХIу гIяжизвиубхIели,

ДакIудиру илини

ДяхIцIи ва урунжуни.

Рахли хIу хьулухъадли

Ваэс зубартачира,

Каса назму бетарар

ХIед гьуни икIдачира.

Кахти бурямтазивад

Верцахъес ахъри луга,

Хьураварес хIялалти

Гьунчиб бургу гIяхIлира.

Шала лямцIдухъунтиван

ХIед дигна виахъури,

Хъуммартид каса, вари,

Расулла назму хIуни.

КъардхIебухъи ихъахъу

Гьуни айгъирлизира,

Ил назмулис хIейгахъу

Вершадешра къунбира.

Рахли хIезир хIерхути

Усалдеш лердиалли,

Азадвалтахъари хIу

Илдазивад назмули.

Гьалакли ламартбарес

Ханжал чяхIванбарадли,

ГIелабяхI кабатахъес

Сабур луга назмули.

ГIинизлизиван мурхьли

ХIеризи хIу сунези,

Лайла-тул кьадрила цIакь

Лебсину назмулизиб.

ВатIайзивад гьарахъли

Рахли хIу цIумухъадли,

Каса далай «Къургъала»

Ил лигIматну улкала.

Эй, гьункья, хIядурлирив

Гьарахъси архIяличи,

ХIед гьунби гIяхIдиахъес

Дуравхъен назмуличил.