Читать книгу Три белых камня. Сборник стихов / Æртæ урс дуры - - Страница 19

Хуры буц хъæбул – уæларвæй

Рахаудтæн зынгæй.

Кодтон зæххы риуыл тарфæй

Мин азты фынæй.

Иу хатт мæн хъæддаг лæг систа,

Сагыл фехста мæн.

Кодтат уæд мæ тыхыл дистæ,

Хотых уын уыдтæн.

Цавтат сау арцæй мæ зæрдæ,

Калди дзы цæхæр.

Хъалæй систат уæд уæ сæртæ.

Стъалытæй уæлдæр.

Зæхх уын арвæй уæд фæхицæн,

Сæвзæрд уын хъысмæт.

Аразут мæнæй уæхицæн

Аргъуан æмæ скъæт.

Мур нæ ауæрдут цъæх дурыл,

Даут мæн цыртæн…

Курын иунæг хатыр: хурыл

Макуы фехсут мæн.