Читать книгу Три белых камня. Сборник стихов / Æртæ урс дуры - - Страница 29

Уыдысты скифтæ дард балцы. Сæ фæстæ

Сыгъди рыст зæххыл сау тугæй æртæх.

Фæлæ сæ зæрдæ сгуыхттытæй куы сцъæх,

Уæд иу афон æрцагуырдтой сæ бæстæ.

Уæдмæ æввонг цард ауагъта йæ хъæстæ:

Ысси цагъартæн арвы бын уæрæх,

Æмæ «паддзахты» цатырты дзæбæх

Æрцардысты æхсинтимæ хуыгæстæ.

Сæхимæ скифты нал уагътой хæстæг,

Нæртон адæм сыл нал тых кодтой кардæй.

Уæд иу хатт скифтæ бавнæлдтой тызмæг

Хъæбæр ехсытæм, бавзыстой сæм дардæй…

Цъагъартæн фестад арвы бын уынгæг,

Æмæ æрхаудтой злнгуытыл уæнгмардæй.