Читать книгу Stormkind - Riana Scheepers - Страница 6

Droom

StormJana droom van fluitmusiek wat oor heuwels weerklink, van die see wat teen rotse slaan, van ’n kind wat saam met haar hardloop om te kyk hoe die branders daar doer onder teen die rotse slaan. StormJana droom dat sy en die kind, ’n dogtertjie bruin soos klip, mekaar se hande vat en van die krans afspring. Hoog vlieg hulle deur die lug, sweef liggies na onder. Maar hulle kom nooit tot heel onder nie. Hulle hang halfpad stil in die lug, want kyk, iets het hul aandag getrek, iets sit vas in die skeur van die krans.