Читать книгу Бер көйрәтик, гомер = Давай поговорим, жизнь - Зөлфәт - Страница 25

Ничекләр түзә комнары,

Ничекләр түзә яры? –

Вакыт адымнары сыман

Ыгымның агымнары...

Чиге бар микән дөньяда

Шулкадәр ыргылуның?

Туктата алмастыр сине

Кыямәт хәтта, Ыгым!

Табан астыннан комнарны

Умырып ала Ыгым...

Кинәнә Җир синең көчтән:

– Йә, тагын... тагын, ныгым!

...Күрсәт, Ык, тагынлыгың!

Талпынган тере суым син,

Алкынган тере суым,

Төн йокылары белмәгән

Гашыйклар сере –

     Ыгым...

Гомернең адымнары бу

Ыгымның агымнары,

Ыгымның агымнары шул,

Агымның ырымнары –

Гомерлек ырымнарым!