Читать книгу Бер көйрәтик, гомер = Давай поговорим, жизнь - Зөлфәт - Страница 38

Без микәнни шушы якты җирнең

Шиңмәс таң кабызган гөлләре?

Шулай булгач, нигә куырды соң

Замананың усал җилләре?

...Серле йомгак минем кулларымда,

Мең таратып аны мең сүтәм:

Гомерлеккә дигән кавемме без,

Тимерлеккә дигәне микән?

Күпме зат-дәүләтләр югалттык без,

Таптаттырдык асыл ирләрне! –

Җылы җилләр кайтмас, ахры, безгә...

Яман җилләр бик нык җилгәрде!

...Инде: «Беттек! Безне бетерделәр!

Көйдерделәр!» – дигән чакта да,

Атасы таң әгәр атар булса,

Көйгән туфракка да

Чык тама...