Читать книгу Бер көйрәтик, гомер = Давай поговорим, жизнь - Зөлфәт - Страница 31

Актарды җил каен ябалдашын!

Яшел шавы шушы каенның

Иярде дә китте таң җиленә –

Җил зәхмәте аңа кагылды.

Һәм туй итте дөнья киңлегендә

Каен шавы белән таң җиле –

Шул зәхмәтле туйның гайрәтеннән

Шау өермә купты, билгеле...

Бу өермә, Тәңре Үзе кушкач,

Әверелде кинәт адәмгә.

Ак кәгазьгә иелде ул адәм

Һәм үрелде кулы каләмгә...

Каләменнән төшкән хәрефләргә

Сыйды аһлы һәм шат гомерләр!..

...Әнә шулай пәйда була тора

Сәер затлар – әһле шагыйрьләр...