Читать книгу Eutropius - active 4th century Eutropius - Страница 58

15. Intereā ad Hispāniās, ubi occīsīs duōbus Scīpiōnibus

nūllus Rōmānus dux erat, P. Cornēlius Scīpiō mittitur,

fīlius P. Scīpiōnis, quī ibīdem bellum gesserat, annōs nātus

quattuor et vīgintī, vir Rōmānōrum omnium et suā aetāte

et posteriōre tempore ferē prīmus. Is Karthāginem Hispāniae 5

capit, in quā omne aurum, argentum et bellī apparātum

Āfrī habēbant, nōbilissimōs quoque obsidēs, quōs ab Hispānīs

accēperant. Māgōnem etiam, frātrem Hannibalis,

ibīdem capit, quem Rōmam cum aliīs mittit. Rōmae[70] ingēns

laetitia post hunc nūntium fuit. Scīpiō Hispānōrum obsidēs 10

parentibus reddidit; quārē omnēs ferē Hispānī ūnō

animō ad eum trānsiērunt. Post quae Hasdrubalem, Hannibalis

frātrem, victum[71] fugat et praedam māximam capit.