Читать книгу Takelwerk - Daniel Hugo - Страница 11
Die digter as roker
Оглавлениеnet soos ’n roker sy asem
sigbaar maak, gee die digter
vlugtig vorm aan sy gees
en die geheim is om dit
ewe maklik te laat lyk
as asemhaal, maar daar is
dié met swaar emfiseem
wat worstel om hul gedagtes
lug te gee – dit is hulle
wat mettertyd versmoor
wat skel op als wat sweef en leef
en dan self in rook opgaan.
