Читать книгу Pad na jou hart - François Bloemhof - Страница 3

SKRYWERSNOTA

Ek het van die begin af waardering gehad vir my medewerkers se professionalisme. Die feit dat Ivan en Donnalee enduit tot die produk verbind was en ’n “fliekboek” selde in Afrikaans verskyn, sou my reeds sterk laat oorweeg het om een te skryf wat op hulle storie gegrond is. Toe is daardie storie boonop lekker gebeurtenisryk en vol ontdekking en warmte.

Hierdie roman is op die draaiboek gebaseer en nie op die rolprent nie. Net soos wat die regisseur die draaiboek geïnterpreteer en verwerk het, kon ek ook. Daar is noodwendig heelparty verskille tussen rolprent en boek, ook in die dialoog. Waar die rolprent byvoorbeeld wen aan visuele indrukke en die stemming wat deur musiek geskep word, kon ek weer die karakters met gedagtes en motiverings uitbou. Ek het wel later na die eerste snit gekyk sodat ek stukkies detail asook die voorkoms van mens en plek kon bywerk.

Dit was ’n aangename pad!