Читать книгу АСАРЛАР (II жилд) - - Страница 7

“Устимиздан ўтган ойлар”1

Ярим эди, тўлин эди.

Кўнглим эди, кўнглинг эди

Устимиздан ўтган ойлар.

Сувлар у пайт биллур эди,

Кетмасак ҳам бўлур эди.

Бир нарсани билур эди

Устимиздан ўтган ойлар.

Кийик кўзинг – сузукларинг.

Сирғаларинг, узукларинг,

Сенинг билакузукларинг –

Устимиздан ўтган ойлар.

Кейин олам рангга тўлди,

Қанча қизлар янга бўлди.

Тўйларингда танга бўлди.

Устимиздан ўтган ойлар.