Читать книгу Apocrypha - M. M. WALTERS - Страница 15

APOCRYPHA XI

Toen het volk zag, dat Mozes vertoog van den

berg af te komen, zoo verzamelde zich het volk

tot Aäron en zij zeiden tot hem: Sta op, maak

ons goden, die voor ons gaan. – Exodus 32:1.

Die mensdom moet aan sy gode glo –

sy wêreld kantel sonder

die slinkse stoutes onder

en die magtiges dreigend bo.

Daar is die onverplantbare ou eike

wat net een heilige plantasie ken,

en dié wat styf gebos moet staan

om die buiging van die wind te wen.

Ook dié wat slap is soos popliere

se lopers moet ondergronds bly klou –

kinders wat soek langs geil riviere

wil soms terugkeer, vol berou.

Ja, die volk moet aan sy gode glo,

die swartes onder,

die blinkes glansend bo,

want selfs vir hulle wat van beter weet,

is die lewe daarsonder eensaam:

die mens is bang hy word vergeet.