Читать книгу Apocrypha - M. M. WALTERS - Страница 6
ОглавлениеAPOCRYPHA II
In die dagen waren er reuzen op de aarde . . .
En de Heere zag, dat de boosheid des menschen
menigvuldig was op de aarde, en al het gedichtsel der
gedachten zijns harten te alle dage alleenlijk boos
was. – Genesis 6:4-5.
Die wêreld word weer water, want
die boosheid van die seuns van God
vloei soos ’n swelgvloed oor die land.
Die reuse wat die veer hanteer,
skryf anders as die klip dikteer,
hul ontbloot die dogters van die mens,
beweeg stormend voort oor elke grens,
en alles wat onbetwis en heilig was,
word ondersoekend met die woord betas.
Die vroetelende vark word nou saamgehok
met die Arabier en skugter waterbok,
in die nat en vuil bepiste strooi
word die fyn en kleinood afgegooi,
en die olifant wat agterdogtig snuif,
vertrap die bebroeide eiers van die duif.
Maar as die strafreën eers verby is,
waar gaan Noag ’n voël weer vind
wat kan vlieg en daarby rein is?
