Читать книгу Apocrypha - M. M. WALTERS - Страница 7
ОглавлениеAPOCRYPHA III
Ik ben de Heere uw God, Die u uit Egypteland, uit het
diensthuis, uitgeleid heb. – Exodus 20:2.
Die ligte liggaam wat ontwaak,
die sprinkaanbeen wat boud word,
borsies wat begin ontkiem soos saad
en groei totdat die bewing die verbeelding raak.
Die bruingebrande vel en soepel ledemate –
bakvis wat skugter agter skuilings roer
en peusel aan die aas en speels ontglip
en weer lokkend agter goue vinne loer
Die vrou wat op die drumpel staan en wag –
okselknop wat oopgaan, geur en sag
bloei en blosend vrug word,
en uitgeswel en ryp, betas en dan gepluk word.
Nee, Here, ek is nog in die slawehuis,
niemand het my nog hieruit gelei nie!
