Читать книгу Apocrypha - M. M. WALTERS - Страница 18

APOCRYPHA XIV

En de Heere zeide tot Jakob: Keer weder tot het land

uwer vaderen. – Genesis 31:3.

Vir Albertus Melvill

Langs Toorberg groei die wildeals

oor Wilken se murasie, en fonteine

onder kranse syfer diep uit die verlede

verby kaal stamme – die herfs se wit refreine.

Die jaar kruip aan en alles is so oud –

olienhoutbome word verweerde bouwerk in die klowe;

die rook uit strooise sukkel blou en koud –

lusernmied wat strooidak staan en stowe.

En as die winter in die Boland sif en sif,

(O herinnering uit my kinderdae!)

dan sal ek nie weet waar ek hoort:

in bruin deurweekte wingerde onder Hawakwa se rif,

of in die blink Karooveld met sy rooigras teen die hange

wat nou so heg nog aan my hart behoort.