Читать книгу Warum ich nicht mehr fliegen kann und wie ich gegen Zwerge kämpfte - Ursula Strauss - Страница 18

Maunchmoi mitn in da Nochd weri munta.

Daun ligi gauns schdü und ria mi ned.

Weuli a Aungsd hob.

I dedad gean zu meine Muta ins Bed griachn,

owa des Bed von da Muta is weid,

und Muta sogd,

si is miad, und wenigsdns in da Nochd

wüs a Rua haum.

Es gibd kan Drakula und kan Wampia,

und den Franknschdein sei Schedl is aus Hoiz.

Oba maunchmoi mitn in da Nochd,

wauni munta wia

und gauns schdü lig und mi ned ria,

was ma liaba,

da Drakula und da Franknschdein

und da Wampia

ligadn im Bed bei mia,

ois dasi so alanich do lig

und mi nedamoi zidan drau

vua lauta Aungsd.