Читать книгу Асылташ = Драгоценный камень - Юнысова Асия, Асия Юнысова - Страница 53

Әти, әти, синең туган көнең.

Кем әйтер соң сине картайган?

Тормыш буйлап үткән юлларыңа

Йөз аклыгы булып кар яуган.

Әти, әти, синең туган көнең.

Балаларың янга җыелган.

Үрнәк әти, үрнәк мөгаллим,

Картаймаган, бары олгайган.

«Әти», «әти» дигән балаларың

Хәтерләтә егет чагыңны.

Шәкертләрең безгә сәлам бирә,

Танып йөздә синең чалымны.

Гомер юлын шушы яшькә кадәр

Җырлап үтү үзе егетлек.

Җиң сызганып кылган эшләрең дә

Җитмеш иргә бүлеп бирерлек.