Читать книгу Katalekte - Breyten Breytenbach - Страница 17

miskien is dit wat ons sin noem

slegs die struktuurmaak van waansin –

die wilde vrees van verskietende sterre

en van larwes wat uit dadels broei

omgebuig in die ritme van reëls

die gedig is tog woordeliks ’n verdigsel

’n dig-maak van die gate

sodat die niet die omskrywing

van ’n gesig mag kry

miskien is die bestemming

om ’n skil te skryf

vir die stil kreet –

wit krytlyne in die grond

waar die lyk gelê het